Қызметтік көлігімен аңшылыққа шыққан Панфилов ауылының әкімі Дулат Дәулетәлиев жол апатына түсті. Бұл туралы жергілікті полиция департаменті хабарлады.
Оқиға 13 қыркүйекте «Қарасаз–Сарыжаз» тасжолында болған. Тергеу мәліметіне сәйкес, Bestune T55 көлігінің жүргізушісі рөлге ие бола алмай, жол шетіне аударылған. Апат салдарынан бір жолаушы қаза тапты. Көліктегі өзге адамдар мен мен әкім түрлі жарақатпен ауруханаға жеткізілген.
Алматы облыстық полиция департаменті қылмыстық іс қозғалғанын хабарлады.
Әкімнің ауруханада болғандықтан, қызметтік тексеру уақытша тоқтатылған. Ол жұмысқа шыққан соң тәртіптік шара қолдану мәселесі қаралады.
фото: freepik.com
