Қазақстан паспорты 2025 жылы визасыз саяхат мүмкіндігі бойынша әлемде 67-орында тұр. Бұл туралы Henley Passport Index ақпарат таратты.
Портал199 мемлекеттің төлқұжаты мен 227 туристік бағытты сараптап, азаматтардың жаһандық мобильдігін бағалады.
2025 жылғы рейтинг бойынша Қазақстан Таиланд және Боливиямен қатар 67-орынды иеленді. Қазақстан паспорты 78 елге визасыз кіруге мүмкіндік береді. Салыстырмалы түрде, Беларусь азаматтары 80 елге, Өзбекстан халқы 61 елге, ал Қырғызстан тұрғындары 62 елге еркін қатынай алады.
Henley Passport Index көшін 193 елге визасыз кіру мүмкіндігі бар Сингапур паспорты бастады. Одан кейін 190 елге визасыз саяхаттауға жол ашатын Оңтүстік Корея паспорты тұр. Үшінші орын иеленген Жапония азаматтары 189 елге еркін саяхаттай алады. Франция, Германия және Нидерландты қоса алғанда, Еуропалық одақтың жеті елі 187 бағытқа визасыз кіруге мүмкіндік беріп, бесінші орында тұр. АҚШ төлқұжатының иелері 180 елге визасыз бара алады (12-орын).
фото: ortcom.kz
