Президент істері басқармасына қарасты мемлекеттік резиденциялар дирекциясының бұрынғы жетекшісі Болат Мынбаев басқаратын IBM Gold компаниясы Павлодар облысында заңсыз алтын және күміс өндірумен айналысқаны анықталды. Бұл туралы өңірлік прокуратураның баспасөз қызметі хабарлады.
«IBM Gold» ЖШС-і 2025 жылдың басынан бері Баянауыл ауданында тиістіэкологиялық рұқсат алмай жұмыс істеп келген. Прокуратура бұл дерек бойынша процессуалдық шаралар қабылданатынын мәлімдеді.
Болат Мынбаев президент резиденцияларын басқарушы қызметін атқарған. Ол 2017 жылы IBM Gold алтын компаниясының негізін қалаушылардың бірі атанды.
Сонымен қатар, тексеріс кезінде Баянауыл өңірінде пайдалы қазбаларды заңсыз өндірумен айналысқан тағы 11 кәсіпорын анықталды. Олардың кейбірі лицензияланған аумақтан тыс жерлерде кен өндірсе, енді бірі келісімшарт мерзімін заңсыз ұзартқан.
фото: freepik.com
