29 қыркүйек күні Индонезияның Сидораджо қаласындағы мектептің ғимараты күрт құлап түсті. Бұл жөнінде шетелдік ақпарат құралдары хабарлады.
98 адам ауруханаға жеткізілді. Бірқатар баланы құтқаруға мүмкіндік туған.
СТВ арнасы үш адам қаза тапқанын жазды.
Қазақпарат дерегі бойынша 40-қа жуық адам үйінді астында қалған. Көбі – 7 мен 12 жастағы балалар.
Қираған ғимарат бөлшектерінен жанұшыра көмек сұраған адамдардың дауыстары естіледі.
– Ғимарат құлады, бетон плиталар құлап түсті, тек тар қуыс пайда болды. Жағдай тұрақсыз, бірақ үйінді астында әлі де адамдар қалуы мүмкін, – деді іздестіру-құтқару агенттігі Basarnas басшысы Мохаммад Сяфии.
Euronews ақпараты бойынша Ява аралындағы Әл-Хозин мектеп-интернатының құлауына ғимараттың жанындағы қосымша құрылыстың құлауы себеп болған. Бетон шатырды жөндеп жатқанда, балалардың үстіне опырылып түскен.
Фото/Видеодан скриншот: ТАСС
