31 тамыз күні Алматыдан Ақтауға бет алған Air Astana әуе компаниясының ұшағы Ақтау әуежайына шұғыл қонған. Бұл туралы компанияның баспасөз қызметі хабарлады.
Бүгін әлеуметтік желілерде оқиға кезінде түсірілген бейнежазбалар тарап жатыр. Пассажирлердің айтуынша, ұшақ әуеге көтерілген сәтте салонында белгісіз дыбыстар естіліп, шамамен 30-40 минуттан кейін әуе кемесі күрт төмендей бастаған.
10 мың метр биіктіктен бірден 3 мың метр биіктікке құлдилаған. Бейнежазбада жолаушылардың үрейленгені анық байқалады.
КС 859 рейсінің экипажы техникалық ақау туралы хабарлап, Ақтау әуежайына қонуға рұқсат сұраған. Қазір әуе кемесі тексеріліп жатыр.
Компанияның мәліметінше, кейінгі КС 860 Ақтау-Алматы рейсінің жолаушылары басқа ұшақпен жеткізілген.
фото: airastana.com
