Ауғанстанның шығыс өңірінде магнитудасы 6,0 болатын жер сілкінісі тіркеліп, алғашқы деректер бойынша кемінде 10 адам қаза тапты. Бұл туралы BBC жергілікті дереккөздерге сілтеме жасап хабарлады.
Зілзала дүйсенбіге қараған түні Кунар мен Нангархар провинцияларында тіркелген. Жергілікті билік аймақтағы бірнеше ауданның қатты зардап шеккенін хабарлады.
Anadolu агенттігі Ауғанстанның Ақпарат министрлігіне сүйеніп, қаза тапқандар саны 250-ден асқанын, тағы 500-ге жуық адамның жараланғанын жазды.
АҚШ Геологиялық қызметінің мәліметінше, жер сілкінісінің ошағы Нангархар провинциясындағы Джалалабад қаласынан 27 шақырым алыс аймақта, 8 шақырым тереңдікте болған. Кейінірек тағы бір 4,5 магнитудалы дүмпу тіркелді.
Мамандар аймақтың таулы әрі сейсмикалық белсенді екеніне назар аударып, көшкін қаупі барын ескертті.
фото: Stringer/Reuters
