2025 жылдың 1 шілдесінен бастап Қазақстанда атаулы әлеуметтік көмек (АӘК) және тұрғын үй көмегін (ТӘК) алушыларға eGov порталы арқылы тауарлық газға ваучерлер беру бойынша пилоттық жоба іске қосылды. Бастама 2024 жылдың 5 желтоқсанына бастап БҚО мен Шымкентте сынақтан сәтті өткен.
Ваучерді қалай алуға болады?
Газ ваучері – бұл мемлекеттен көмек алатын отбасыларға тауарлық газды арзанырақ бағамен сатып алуға берілетін цифрлық сертификат.
АӘК немесе ТӘК алып жүрген азаматтардың ұялы телефонына «QazaqGazAimaq» АҚ тарапынан 1414 нөмірінен ваучер туралы SMS-хабарлама келеді. Хабарламаны алғаннан кейін ваучерді eGov Mobile қосымшасындағы«Әлеуметтік әмиян» сервисіне қосу қажет.
«QazaqGaz Aimaq» Sarapshy.info редакциясына өңірде ваучер бойынша газбен қамтылған тұрғындар саны туралы мәлімет берді.
БҚО-да ваучерді пайдаланған отбасылар саны:
- желтоқсан, 2024 жылы – 840
- қаңтар, 2025 жылы – 839
- ақпан – 359
- наурыз – 405
- сәуір – 360
- мамыр – 210
- маусым – 111
- шілде – 191
Жеңілдік сомасы:
- желтоқсан, 2024 жылы – 1,09 млн тг
- қаңтар, 2025 жылы – 1,09 млн тг
- ақпан – 606,5 мың тг
- наурыз – 525,2 мың тг
- сәуір – 232,3 мың тг
- мамыр – 275,1 мың тг
- маусым – 69,7 мың тг
- шілде – 130,9 мың тг
QazaqGaz ұлттық компаниясы акцияларын IPO-ға шығаруы мүмкін. Сол себепті сарапшылар 2025-2027 жылдары ішкі нарықтағы газ бағасы жыл сайын шамамен 33%-ға көтеріліп, үш жылдың ішінде екі есе қымбаттауы ықтимал екенін айтқан.
Абонент тұтыну нормасынан асырмаған кезде ғана ваучер бойынша жеңілдік беріледі. БҚО бойынша айына 833 текше метрден аспауы тиіс.
фото: freepik.com
