Қазақстанға ядролық сынақтардан зардап шеккендерге көмек ретінде 7,4 млн доллар көлемінде қайтарымсыз грант бөлінеді. Бұл туралы ҚР Сыртқы істер министрі Мұрат Нұртілеу мен Жапония Сыртқы істер министрі Такеши Иваяның кездесуінде мәлім болды.
Министрлер «Орталық Азия + Жапония» саммитін өткізуді жеделдетуге уағдаласты. Бұл басқосу өткен жылы Жапониядағы жер сілкінісіне байланысты кейінге шегерілген болатын. Бұдан бөлек, 2026 жылдың көктемінен бастап Алматы мен Токио арасында тікелей әуе рейстері ашылатыны хабарланды.
Мұрат Нұртілеу Такеши Иваяның сапары 29 тамызда атап өтілетін Семей полигонының жабылған күніне орай келгенін атап өтті. Сондай-ақ, 2025 жылы Хиросима мен Нагасаки трагедиясына 80 жыл толатыны айтылды.
2025 жылдың 16 мамырында Су және ирригация министрлігі су тасқынына қарсы күрес шараларын дамыту үшін Жапониядан 2 млн доллар көлемінде грант ұтып алды.
фото: Сыртқы істер министрлігі
