Қазақстанда ауылдық жерде жұмыс істейтін қызметкерлерге берілетін жеңілдетілген несиенің мөлшерлемесі 0,01%-дан 1%-ға дейін өсті. Бұл туралы Ұлттық экономика министрлігі хабарлады.
«Отбасы банктің» ережелері бойынша қазір аудандарда қызмет атқарып жүрген мамандарға 2500 AЕК-ке дейін (9 830 000 теңге), ал ауылдық жерлерде жұмыс істейтін азаматтарға 2000 АЕК мөлшерінде (7 864 000 теңге) несие беріледі.
Жаңа тәртіпке сәйкес денсаулық сақтау, білім, мәдениет, спорт, агроөнеркәсіп мамандары мен ауыл, кент, ауылдық округ әкімдіктерінде жұмыс істейтін мемлекеттік қызметкерлер үй сатып алу немесе салу үшін 15 жылға дейін 1% мөлшерлемемен несие ала алады. Несиені облыстардың жергілікті атқарушы органдары береді.
Әлеуметтік қолдау шараларын алу үшін маманның, оның жұбайының және балаларының соңғы екі жыл ішінде жұмыс істейтін елді мекен аумағында тұрғын үйі болмауы тиіс.
Өзгеріс 2025 жылғы 18 тамыздан бастап күшіне енеді.
Қазір елімізде 8 мыңға жуық оқу ошағы бар. Оның 67%-ы ауылдаорналасқан. Ауыл мектептеріндегі білім сапасы туралы Sarapshy.Info-ның сараптамалық мақаласынан оқуға болады.
фото: gov.kz
