Батыс Қазақстанда 2025 жылдың I жартыжылдығында 563 жол апаты тіркеліп, салдарынан 36 адам қаза тапқан, 849 тұрғын түрлі жарақат алған. Бұл туралы облыстық полиция департаменті хабарлады.
Полиция дерегінше, жол апаттарына жылдамдықты арттыру, өзге көліктерді басып озу, жаяу жүргіншілер өткелі мен қиылыстан өту талаптарын елемеу себеп болып отыр. Сонымен қатар, көлік жүргізу кезінде ұялы телефон қолдану жағдайлары жиілеген. Жыл басынан бері смартфонға алаңдаған 2399 жүргізуші жауапқа тартылды.
Жол апатының көбі Орал қаласының аумағында болған. Сондай-ақ Орал – Ақтөбе, Чапаев – Жалпақтал – Казталов және Подстепное – Илек бағыттарында жиі тіркелді.
фото: freepik.com
