Алматы қаласында прокуратура кеден бекетінде жалған құжат жасаумен шұғылданған қылмыстық топ сотталды. Күдіктілер кедендік сәйкестендіру нөмірін қолдан жасаған.
Топ мүшелері құжатта нақты көрсетілмеген тауарларды шекарадан өткізуге көмектескен. Оған қоса нақты жүзеге аспаған қызмет бойынша жалған шот-фактуралар тіркелді. Осының салдарынан мемлекетке 33 млдр теңге залал келген.
Оларға қатысты бірнеше қылмыстық іс қозғалды.
«Кінәлі адамдарға мүлкі мемлекет кірісіне тәркіленіп, екі жылдан жеті жылға дейінгі мерзімге бас бостандығынан айыру түріндегі жазаның әртүрлі мерзімдері тағайындалды», – деп хабарлады.
Сот Қылмыстық кодекстің 216, 234-баптары бойынша жаза кескен.
фото: inbusiness.kz
