Ұлттық статистика бюросының дерегі бойынша Қазақстанда 6 302 500 автокөлік тіркелген. Соның 82%-ы бензин арқылы жүреді. Газ баллонмен және электр қуатымен жүретіндердің үлесі өте аз – 0,3%.
Жалпы көліктердің:
86,5%-ы – жеңіл автомобильдер,
9,7%-ы – жүк көліктері,
1,9%-ы – автобустар мен
1,9%-ы – мотокөліктер.
«Былтырғы мамыр айымен салыстырғанда бензинмен жүретін автокөліктер саны 15,3%, дизель отынымен жүретіндер 13,9%, газбен жүретіндер 36,2%, аралас отынмен жүретіндер 9,3% өскен. Бұл ретте электромобильдер саны бір жылда 66,9% артқан», — деп хабарлады бюро.
Биылғы мамыр айының өзінде 113 мың жеңіл автокөлік, 8 мың жүк көлігі, 1,4 мың автобус, 5,7 мың мотоцикл есепке алынды.
Сәуір айында отандық кәсіпорындар 14 062 көлік құрастырды. Оған 196,3 млрд теңге жұмсалған.
Қазақстан үкіметі 2040 жылға қарай үш ірі мегаполис бойынша электр көліктер үлесін 71%-ға жеткізуді жоспарлаған. Қазіргі уақытта өсім 67%-ға жуықтағанымен, олардың үлесі бар болғаны 0,3% ғана. Нақты айтсақ, елде 17 164 электромобиль жүр.
фото: pixabay
