Иран мен Израиль арасындағы жағдай ушықты.
BBC дерегі бойынша 13 маусым күні сағат 3:30-да Израиль Иранның ядролық нысандарын қиратқан. Израильдің қорғаныс армиясының қолбасшысы Эфи Дефрин ұшқыр 200 ұшақ 100 шақты нысанды жойғанын хабарлады.
Иранның Натанз қаласындағы уран байытатын зауыт жермен-жексен болған. Шығын құны есептелінуде.
Reuters агенттігінің ақпаратына сай Тегеранда тұратын 78 адам қаза болған, 329 кісі жарақат алды.
Ислам революциясы Сақшылар корпусының қолбасшысы, Бас штабтың бастығы және жетекші ядролық физиктер қаза тапты.
Атом энергиясы жөніндегі халықаралық агенттік (МАГАТЭ) Натанзға жасалған соққыны растады. Агенттіктің бас директоры Рафаэль Гросси Израильдің соққыларынан кейін Иранның ядролық байыту орталығының сыртындағы радиация деңгейінің «өзгеріссіз қалғанын» айтты, деп хабарлайды агенттіктің X парақшасы.
Иран 13 маусым күні кешке Израильге қарымта қайтарды.
«Шынайы уәде – 3» операциясы аясында 100 баллистикалық зымыранды атқылаған. Осының салдарынан Тель-Авивте кем дегенде 20-дан астам тұрғын қаза тапты. Израильдің қорғаныс министрлігінің ғимаратына екі зымыран бағытталған.
Израиль қарулы күштері жалпы зымырандардың тең жартысына тосқауыл қойғанын мәлімдеді.
Иранның рухани көсемі аятолла Әли Хаменеи мемлекеттік телеарна арқылы «Израиль соғыс өртін тұтатты» деп айыптады.
«Сионистік режим (Израиль) өз қылмысының салдарынан зардабын тартпай қоймайды. Иран халқы біздің жауабымыздың жартыкеш болмайтынына сенімді болуы керек», – деп мәлімдеді көсем.
Шетелдік ақпарат құралдары Израильге АҚШ көмектескенін жазып жатыр. BBC-ге сарапшылар Иранның әуе қорғаныс жүйесі сыр бергенін айтқан. Өйткені жойғыш ұшақтар Израильден Иран шекарасына дейін 1000 шақырым, одан әрмен Тегеранға дейін 1500 шақырым ұшқан. Иран шабуылға дер кезінде тосқауыл қоя алмады.
фото: MEGHDAD MADADI/TASNIM NEWS/AFP
