Украина Президенті Fox News арнасына берген сұхбатында Кремльге екі ел көшбасшыларының кездесуін бірнеше мемлекетте өткізуді ұсынғанын, олардың қатарында Қазақстан да бар екенін айтты.
– Біз кездесуді Түркия, Сауд Арабиясы, Катар, Еуропаның Австрия мен Швейцария секілді бейтарап елдерінде өткізуді ұсындық. Біз: «Егер сіз Қазақстан сияқты елде кездескіңіз келсе, біз дайынбыз» дедік, – деді Зеленский Fox News арнасына берген сұхбатында.
Осыған дейін Ресей елінің басшысы Владимир Путин Зеленскиймен Мәскеуде кездесуді ұсынған. Одан бас тартқан Украина Президенті Зеленский Путинді Киевтегі келіссөзге шақырды.
Фото: Instagram/zelenskyy_official
