Өзбекстанның Орталық банкі – екінші ай қатарынан әлемдегі ірі алтын сатып алушылардың қатарында. Жаздың алғашқы айында ел тоғыз тонна қымбат металл сатып алған. Ал шілдеде бұл көрсеткіш 9,6 тоннаны құрады.
Дүниежүзілік алтын кеңесі (World Gold Council), шілде айында Өзбекстан әлемдегі ең ірі алтын сатып алушылардың бірі болғанын мәлімдеді.
Ай ішінде әлемдік орталық банктердің резервтері 37 тоннаға өсті. KAP Depo инвестициялық компаниясының хабарлауынша, бағалы металдың негізгі сатып алушылары Польша Ұлттық банкі – 14,3 тонна, Өзбекстанның Орталық банкі – 9,6 тонна, Үндістанның резервтік банкі – 5,4 тонна болды.
Ал ең көп алтын сатушылар – Қазақстан (3,9 тонна) мен Моңғолия (0,7 тонна) елдері.
Шілдедегі сатып алулардың арқасында Өзбекстанның Орталық банкі жыл басынан бері таза алтын сатушыдан таза алтынды сатып алушыға айналды.
Айта өтсек, маусым айында ең көп алтын сатып алған елдер – Өзбекстан мен Үндістан болды. Ол кезде қымбат металды сатып алу көлемі 31 тонна, ал сату 18 тонна болған еді.
Сурет: pixabay.com