Солтүстік Қазақстан облысы Тайынша ауданы Ильичевка ауылында кәсіпорындағы жарылыстан сегіз адам зардап шекті. Полиция департаменті баспасөз қызметінің мәліметі бойынша «Тайынша-Май» ЖШС-на қарасты жанар-жағармай толтыру бекетінің шлангісі жұлынып кетіп, Volvo автоцистернасы өртеніп кетті.
Оқиға 25 маусым күні болған. Әртүрлі дәрежеде күйікке ұшыраған сегіз адам Көкшетау қаласындағы ауруханаға жеткізілді. Қазіргі уақытта өрттің шығу себебі анықталып жатыр.
СҚО төтенше жағдай департаменті соталды тергеу жұмысын бастап кетті. Бекеттегі өрт екі сағат ішінде жойылған.
«Тайынша-Май» — май өнімдерін өңдейтін зауыт. Кәсіпорын жылына 300 мың тонна өнім шығарады.
фото: arbatmedia
