Sarapshy.info ақпарат агенттігі – сараптама мен шолу бағытын нақты ұстанған қазақстандық бұқаралық ақпарат құралы. Басқа БАҚ-тан сонысымен ерекшеленеді.
Sarapshy.info – 2021 жылы қазан айында тәуелсіз медиа ретінде жеке бастама болып құрылған ақпарат көзі. Қазіргі күні агенттікті вебсайт, Instagram, Facebook, TikTok желілеріндегі парақшалар, Телеграм арнасы, ресми Youtube арнасы құрайды. 100% қазақ тілінде ақпарат таратады. Редакциясы Орал қаласында орналасқан.
Күрделі бағытты таңдап, ұстанымдарынан айнымай келе жатқан агенттіктің алдында мынадай мақсаттар бар:
Біріншіден, оқырманға сапалы сараптама мен тұщымды талдау ұсыну;
Екіншіден, БАҚ ретінде редакцияның қаржылық тәуелсіздікке қол жеткізуі;
Үшіншіден, редакциясы өңірде орналасса да республикалық деңгейде бәсекеге қабілетті БАҚ-қа айналу; көпплатформалы ақпарат агенттігі ретінде даму; тек сенімді ақпарат тарататын БАҚ ұстанымынан айнымау;
Төртіншіден, сараптамалық БАҚ ретінде салалық журналистиканы; өңірдегі журналистиканы дамыту және жас мамандарды дайындау – бұл бағытта арнайы жобаларды іске асыру.
Миссиямыз: оқырманға сараптамалық ақпаратты, сарапшылар пікірін, талдау мен шолуды бір жерден оқуға мүмкіндік жасау. Түрлі саланың сарапшыларына, кәсіби мамандарына мәселелерді жан жақты талдауға алаң ұсыну.
Ерекшелігі: қазіргі қоғамда кез келген өткір мәселемен бірге ол жайлы алып-қашпа әңгіме тарайды. Бәрі жарысып жылдам таратуға асығады да, мән-жайына бойламай жатады. Ақпаратты сүзіп, елек-екшеп, сала мамандары мен сарапшылардың пікірімен қатар беретін БАҚ азайды. Бұл ақпарат агенттігі мәселені сараптап, кеңірек шолып таратады. Көңіл көтеруге арналған контент жарияламайды.
Есептілік: Редакция өз жұмысы бойынша «Медиа білім» қоғамдық қорына ғана есеп береді. ҚР заңдарына сәйкес салық органдарына қаржылық есеп тапсырады. Қаржыландыру – қордың жеке есебінен. Сондай-ақ ақпарат агенттігінің басшылығы түрлі жоба-гранттарға қатысып, коммерциялық қаржы көздерін іздестіреді. Агенттік мемлекеттік бюджеттен бөлінетін тапсырыстарды орындау конкурстарына қатыспайды. Редакцияны қолдаймын деген оқырман болса, төмендегі нөмірге хабарласуына болады.
Редакция жайлы:
Құрылтайшы: «МЕДИА БІЛІМ» қоры
«Sarapshy.info» ақпарат агенттігінің бас редакторы: Нұртай Текебаев
«Sarapshy.info» ақпарат агенттігінің шеф-редакторы: Нұрлыбек Рахманов
«Sarapshy.info» ақпарат агенттігінің редакторлары: Наргиза Ерес, Гүлмира Сарсенғали, Дария Ғұмар.
Youtube редакторы: Тілек Ермекұлы, Еділ Нұрлиев
«Sarapshy.info» ақпарат агенттігінің өзге қалалардағы тілшілері:
Астана қаласында — Айдана Шотбайқызы,
Алматы қаласында — Нұрсұлтан Ерболатұлы, Төлепберген Мәлік, Ақбота Ахмет, Айбар Олжай
Атырауда — Айнұр Сапарова, Баян Жанұзақ
Ақтауда — Анаргүл Жексенбайқызы,
Шымкентте — Әсел Мәлік,
Қарағандыда — Арайлым Еркебаева,
Қызылордада — Жадыра Мүсілім, Мақсот Ибрашев
Байланыс:
Баспасөз релизі, жарнама, ұсыныстар үшін: sarapshy.info@gmail.com, +7-705-177-80-70 немесе сайттағы Жарнама бөлімі