Экс-президент Нұрсұлтан Назарбаевтың күйеу баласы, олигарх Тимур Құлыбаев Бас прокуратураның активтерді қайтару комитетін сотқа берді, деп жазды ҚазТАГ.
«Талапкер: «Қазақстан Республикасы Бас прокуратурасының активтерді қайтару комитеті» республикалық мемлекеттік мекемесі. Жауапкер: Кулибаев Тимур Асқарович», — делінген 18 қарашада басталған процестің барысы жазылған құжатта.
Іс судьяға берілді, апелляциялық тәртіпте қаралуып жатыр, басқа мәліметтер жоқ.
Айта кетейік, Бас прокуратура, әдетте, жалпылама ақпаратпен шектеліп, активтерді қайтару бойынша қабылданған шаралардың егжей-тегжейлерін ашпайды.
Айта кетейік, Құлыбаевтар отбасы – ең бай әулет. Тимур Құлыбаевтың әйелі – Нұрсұлтан Назарбаевтың қызы Динара Құлыбаева. Олардың байлығы 5 млрд долларға бағаланып отыр.
2023 жылы сот шешімімен «Сұйытылған мұнай газын сақтау паркі» ЖШС-ның 50% акциясы Тимур Құлыбаевтан алынды. Нұрсұлтан Назарбаевтың күйеу баласына тиесілі жарғылық капиталдың жартысы Атырау мұнай өңдеу зауытының меншігіне қайтарылды.
Тимур Құлыбаев 2021 жылы компания аукционда «Joint Technologies» ЖШС-на сатылған кезде 50% акцияның иесі атанды. Кәсіпорын Тимур Құлыбаев пен Раушан Сағдиеваға тиесілі болды. Қаңтар оқиғасынан кейін «Сұйытылған мұнай газын сақтау паркіне» қатысты қылмыстық іс қозғалды. Қаржылық мониторинг агенттігі ЖШС басшылығы 2017-2021 жылдары үстемдік ете отырып, сұйытылған мұнай газын қабылдау, сақтау және тиеу қызметтеріне монополиялық жоғары бағаларды белгілегенін анықтаған.
Бас прокуратура 2024 жылдың маусым айында Тимур Құлыбаевтың әкесі Асқар Құлыбаев құны 66 млн доллар құрайтын мұнай терминалын мемлекет меншігіне қайтарғанын хабарлады.
Cурет: inbusiness.kz