Тамыз айында сұйық отын құны қымбаттап, АИ-92 маркалы бензиннің литрі 231 теңгеге жетті.
Бұған дейін Энергетика министрлігі отын бағасын еркін айналымға жіберген еді.
Kolesa.kz талдауы бойынша бағаның өсуі әсіресе Алматыда айқын байқалды: қалада АИ-92 литрі 225—231 теңге аралығында сатылып жатыр. Ең арзан отын Royal Petrol-да болса, Qazaq Oil ең қымбат баға ұсыныпотыр.
Helios пен Sinooil жанармайдың 1 литрін 227 теңгеден сатып жатыр. Айта кетейік, Helios компаниясы тамызда бағаны кемінде бес рет өзгерткен.
АИ-95 маркалы бензин де қымбаттады. Helios-та 272-ден 275 теңгеге көтерілсе, Royal Petrol бірден 10 теңге қосып, 285 теңгеге жеткізді.
Ал дизель отыны Алматыда 321—323 теңгеден сатылып жатыр. Баға өсімі Астана мен Шымкентте де тіркелді.
Энергетика министрлігінің жаңа бұйрығына сәйкес, тамыздың басынан автогаз бағасы өсті. Қазір Астана, Алматы, Ақмола, Павлодар, Қарағанды, Солтүстік Қазақстан, Қостанай облыстарында 1 литр автогаздың шекті бағасы 112 теңгені құрайды.
фото: istockphoto.com
