Қазақстандықтар eGov.kz порталында «Көлік тарихы» сервисінің көмегімен автокөлікке иелік ету тарихы туралы барлық ақпаратты тексере алады.
eGov.kz-тің хабарлауынша, сервис пайдаланушыларға көліктің жай-күйімен танысуға мүмкіндік береді.
«Сервисті енгізу пайдаланушыға сатып алу туралы қосымша ақпаратпен танысуға көмектеседі. Тексеру үшін сатушыдан көліктің мемлекеттік нөмірі мен техникалық паспорт нөмірін білу қажет», – делінген порталдың хабарламасында.
«Көлік тарихы» сервисінің мүмкіндігі
- автомобиль маркасының атауы және шығарылған жылы
- қозғалтқыштың көлемі, шанақтың түсі және қосымша орнатылған жабдықтың болуы
- ҚР аумағында автокөлікті алғашқы тіркеу күні
- меншік иелері туралы дербес деректерді көрсетпей-ақ, автокөлікті қайта тіркеу күндері бар алдыңғы иелердің жалпы саны
- көлікке кепілдің болуы
Автокөлік туралы ақпарат алу үшін:
- eGov.kz порталына кіріп, «Көлік тарихы» сервисіне өтеді
- «Автомобильдің мемлекеттік нөмірі (МТНБ)» және «Автокөлік құралын тіркеу туралы куәліктің нөмірі (КҚТК)» енгізеді
- Автомобиль туралы ақпаратпен танысады
Айта кетейік, сервис ҚР Ішкі істер министрлігінің, ҚР Цифрлық даму, инновациялар және аэроғарыш өнеркәсібі министрлігі Мемлекеттік көрсетілетін қызметтер комитетінің және «Ұлттық ақпараттық технологиялар» АҚ бірлескен жұмысының нәтижесінде іске қосылды.
Сурет: freepik.com
