Ғали Есқалиевтің айтуынша, жаңа әуежай жыл соңына дейін пайдалануға берілмек. «Жаңа әуежай барынша жоғары технологиялық болады. Жобаға ең жақсы технологиялар мен жабдықтар қосылды» деді ол.
Бүгін БҚО әкімі Ғали Есқалиев Орталық коммуникациялар қызметі брифингінде спикер болып, «Мемлекет басшысының Жолдауы аясында БҚО-ның дамуы туралы» тақырыбында баяндама жасады. Баяндамадан соң журналистердің сұрақтарына жауап берді. Соның ішінде әуежай қашан пайдалануға берілетіні мен қайта құру жұмыстары не себепті 2,5 есе қымбаттағаны жөнінде де жауап берді.
Еске сала кетсек, бұрын 2,4 млрд. теңгеге есептелген күрделі жөндеу жобасы тоқтатылып, қазіргі жоба құны 6,6 млрд.теңгеге бағаланған жоба іске асырылуда.
«2019 жылы әуежайды қайта құру жобасын бастадық. Қайта құру кезінде құрылыстардың сейсмотұрақтылығына жауап беретін ҚазҚСҒЗИ мамандандырылған компаниясы әуежай негізінде жасырылған ақауларды анықтады. Сондықтан сол жобаны толығымен тоқтатуға және жаңа жобаны жасауға мәжбүр болдық: тұрғындардың ыңғайлылығы үшін, болашақта жұмыс істеу үшін біз жобаны бірден 2 есе үлкейтіп жасадық. Осыған байланысты қымбаттады. Яғни, бұл мүлдем басқа жоба: бұрын қолданыстағы жобаны қайта құрдық. Жаңа әуежай барынша жоғары технологиялық болады. Жобаға ең жақсы технологиялар мен жабдықтар қосылды. Облыс тұрғындары мен қонақтарына оны пайдалану өте ыңғайлы болады деп ойлаймын. Мен жыл соңына дейін ғимарат ашқымыз келетінін айттым. Бұл жоспар әлі де бар. Қыркүйектен бері Қытайдан жүк келмеуіне байланысты кідірістер бар. Мердігер де, біз де жыл соңына дейін жолаушыларды кіргізуге барынша тырысамыз. Мейлі, жаңа әуежай толық жұмыс жасамасын, бірақ, кем дегенде, жолаушылар үшін әуежай жылы әрі жайлы болады. Біз бұл жоспардан бас тартпаймыз»,- деп сендірді Есқалиев.
AQJAIYQ әлеуметтік-кәсіпкерлік корпорациясы ұсынған жаңа әуежайдың эскиздері:
