Қазақстан азаматтарына тоқ күшімен жүретін көліктерді жеңілдікпен сатып алуға арналған квота аяқталуға жақын. Бұл туралы Қаржы министрлігінің Мемлекеттік кірістер комитеті хабарлады.
2009 жылы Кеден одағы Комиссиясының шешімімен Қазақстанға жыл сайын 15 мың электромобильді тарифтік жеңілдікпен әкелуге мүмкіндік берілді.
2025 жылдың қыркүйегіндегі жағдай бойынша Қазақстанға 13 мыңнан астам электромобиль жеткізіліп, белгіленген лимиттің 87%-дан астамы пайдаланылған. Қалған квота тек 1 900 көлікке жетеді.
Ведомство азаматтарға электр көлігін сатып алу және әкелу туралы шешім қабылдағанда бұл шектеуді ескеруге кеңес берді.
2025 жылы электр тоғының қуатымен жүретін автокөлік саны 1,6 есе өсті. Тоқ күшімен жүретін көліктердің ең көбі Алматы және Астана қалаларында тіркелген.
фото: freepik.com
