Қазақстан кәсіпкерлері үшін қолма-қол ақша алудың жаңа талаптары бекітілді. Бұл туралы Ұлттық банк хабарлады.
Енді бизнес иелері белгіленген лимиттен артық қолма-қол ақша алу үшін банкке өтініш жазып, келісімшарт немесе шот-фактура сияқты құжаттарды тапсыруға тиіс.
Банк деректерді келесі жұмыс күні Мемлекеттік кірістер комитетіне жолдайды. Егер үш күн ішінде жауап келмесе, банк кәсіпкерге қаражатты беруге міндеттеледі. Тәуекел анықталған жағдайда банк ақшаны беруден бас тарта алады.
Сонымен қатар, банктер 10 млн теңгеден асатын барлық операциялар туралы Ұлттық банкке ай сайын есеп беріп отырады. Ұлттық банк бұл мәліметтерді Мемлекеттік кірістер комитетіне және Қаржы нарығын реттеу және дамыту агенттігіне жолдайды.
Жаңа заң 2026 жылдан бастап күшіне енеді.
фото: freepik.com
