«Қазақстан халқына» қорының білім гранты иегерлерінің тізімі жарияланды. Қазақстандық 449 түлек грант иегері атанды.
Қор білім беру гранттары талапкерлерге бағдарламаның қандай критерийлері бойынша берілгенін мәлімдеді.
- 2022 жылы Қаңтар оқиғасы кезінде қаза тапқан азаматтардың балалары – 1 талапкер;
- Жетім балалар немесе кәмелет жасқа толғанға дейін ата-анасының қамқорлығынсыз қалғандар – 135 талапкер;
- Мүгедектігі бар тұлғалар – 86 талапкер;
- Әлеуметтік аз қамтылған ауылдық жерлердегі, шағын және моноқалалардағы отбасылардан шыққан талапкерлер – 65 талапкер;
- Мүгедек баланы тәрбиелеп отырған отбасылардан шыққан тұлғалар – 162 талапкер.
«Үш жыл ішінде «Қазақстан халқына» қорының бағдарламасы аясында 93 жоғары және орта білімнен кейінгі оқу орнынан 3 859 студент грант иегері атанды. Ал биылғы жылғы грант иегерлерін қоса есептегенде, қордың қолдауының арқасында барлығы 4 308 студент жоғары білім алу мүмкіндігіне ие болды», — делінген «Қазақстан халқына» қорының мәлімдемесінде.
⇒ Грант иегерлерінің тізімін осы жерден көруге болады.
Фото: Freepik.com
