Алматыда «Sana Business Forum 2.0» форумы өтті. Форумның мақсаты – қазақ іскерлік ортасын қалыптастыру, заманауи трендтерді жариялау, қазақ кәсіпкерлігінің көкжиегін кеңейту.
Форум негізгі үш блоктан тұрды:
• «Даму – экономикалық трендтер, дистрибуция құпиялары, масштабтау»
• «Инновация – сату, креативті маркетинг, бәсекеге қабілетті продукт менеджмент»
• «Серпіліс – Nietworking»
Форум басталарда Sana Business Forum құрылтайшысы Мақсат Халық шара мақсатын түсіндірді.
Үздік 30 спикер ой бөлісіп, іскерлік бастамалары жайында айтты. SANA FOUNDATION Қоғамдық қорының және SANA BUSINESS ACADEMY төрағасы Мақсат Халық, SONA Lab, Med Progress, Nomad, Goldman Logistics, Acvee Finance компанияларының негізін қалаушы Арслан Назаралиев, Qazbilim Group компаниясының негізін қалаушы Аятжан Ахметжан, Golden Bridge Partners серіктесінің негізін қалаушы және директоры Болатбек Дәлелханұлы, Lanzhou ресторандар желісінің негізін қалаушы Гульбану Майгарина, Coca Cola, Food Master компанияларының ресми дистрибюторы Ерлан Андаспаев, Mazmundama және Coffee Book жобаларының негізін қалаушы Шыңғыс Мұқан, кәсіпкер, венчурлық инвестор және IT саласының маманы, Asarume қоғамдық қорының негізін қалаушы Асхат Нұрмашев тың пікірлерді ортаға салды. Осы жиында 300-ден астам кәсіпкер бас қосты.
Үздік цитаталар:
Degusto Coffee желілерінің негізін қалаушы және Sana Foundation құрылтайшысы Әділет Бағдат: «Қазақ кәсіпкерлері жаңа деңгейге шығуы қажет, бүгінгі форум соның бастамасы болады».
Нархоз университетінің қазіргі ректоры Қанат Қожахмет: «Білім әрқашанда маңызды, бірақ білімнің сапасы маңыздырақ».
Sana Business Forum негізін қалаушы Мақсат Халық: «Қазақстан мен әлем экономикасындағы қаржы мәселесі: қазір арзан ақша аяқталып, қымбат ақша көбейіп жатқан кезең».
Coca Cola, Food Master компанияларының ресми дистрибюторы Ерлан Андасбаев: «Фирманың лидері қандай болса, бүкіл кәсіпорын құндылығы сондай болады».
Осы форумда олар креативті идеяларымен бөлісті. Бизнес әлеміндегі жаңа трендтер талқыланды. Sanabusiness forum 2.0 сәтті аяқталды.
Сурет: t.me/sanabusinesskz