Ақтауда қайтарылған активтер қаржысына облыстық жедел жәрдем стансасы салынады.
Жобаның жалпы 4,8 млрд теңге болмақ. Осы мақсатта арнайы мемлекеттік қордан 4,6 млрд теңге бөлінді. Қалған 100 млн теңге жергілікті бюджеттен қарастырылған.
Жаңа мекеменің құрылысы Ақтау қаласының 34А шағын ауданында орналасқан 2,6 гектар жер учаскесінде бой көтереді. Жедел және шұғыл медициналық жәрдем стансасының құрамына оқу-симуляциялық орталық, санитарлық көліктерге арналған жөндеу және жуу базасы болады.
«Қазіргі таңда нысанның дайындық деңгейі 10%-ды құрайды: жер қазу жұмыстары аяқталып, ішкі инженерлік желілердің құрылысы жүргізілді. Арнаулы мемлекеттік қордан бөлінген қаражат жобаны белгіленген кестеге сәйкес толық аяқтауға мүмкіндік береді»,- делінген хабарламада.
Үкімет Ақтау қаласындағы жаңа нысандар үшін арнаулы мемлекеттік қордан шамамен 55,2 млрд теңге бөлген. Олардың қатарында 4 мектеп, оның біреуі 1 музыкалық мектеп, 2 спорт кешені, көпсалалы аурухана кешені, жатақхана және 2 балабақша бар.
Осы уақытқа дейін қайтарылған активтер есебінен Петропавлда балабақша салу үшін 2 млрд теңгеден астам қаржы бөлінген болатын.
Сурет: primeminister.kz
